Wanielijo po ślōnsku #166

Podug Mateusza:

Jezus pedzieli do arcykapłanōw i ołbrōw ludu:

Dejcie pozor! Jedyn chop mioł dwóch synōw. No i padŏ do piyrszego: „Synek, weź się do roboty i idź do winnice”. Tyn mu ôdpedzioł: „Ja, już ida!”, ale niy poszoł. Pedzioł tyż drugimu to samo. Tyn na to: „Niy, niy kce mi się.” Jednak za kwila się spamiyntoł i poszoł porobić we winnicy. Kery s nich tak richtich posuchoł ôjca? Ôdpedzieli Mu: „Tyn drugi”.

Moja "winnica"

Toż Jezus im pedzioł: „Na zicher wōm godom: celniki i ladacznice wlazujōm przed wami do krōlestwa niybieskego. Prziszoł do wos Jōn po sprowiedliwości, toście mu niy uwierzyli. Uwierzyli mu zaś celniki i ladacznice. Wyście na to się ino gapiyli, ale nawet potym żeście się niy ôpamiyntali, coby mu uwierzyć.

Ôstōńcie z Bogiym