Strony

niedziela, 16 sierpnia 2020

Wanielijo po ślōnsku #160

Podug Mateusza:

Jezus wybroł sie kajś tam kole Tyru i Sydonu. Ôroz Kananyjka skondś sie znodła i zaczła wajać: "Zlituj sie nady mnōm Pōnie, Synu Dawida! Moja cera je fest pōniywiyrano bez diŏbła," Ale Jezus sie w ogóle niy ôdezwoł.
Toż niy strzimali Jego ucznie i Mu gŏdajōm: "Kŏż wyciepać, ta baba, bo larmuje za nami."Dyć Ôn im ôdpedzioł: "Jŏ je posłany ino do łowiec, kere straciyły sie z dōma Izraela."

Ale ôna prziszła ku nim, padała na klynczki i prosiyła: "Pōnie, dopomoż mi." No, toż Ôn ij padoł: "To niy ma tak, żeby wziōńć chlyp dzieckom, a ciepnōńć go psiokom."
A ôna na to: "No, ja, Pōnie, ale i psiŏki sie nażrōm kruszkow, kere ślatujōm ze stołu jejich panōw."

Mozaika z kaplicy w Magdalii nad Jeziorem Genezaret


W tyn czas Jezus jij ôdpedzioł: "Ô kobiyto, wielgo je twoja wiara; niych ci bydzie, jak kcesz!". Ôd tyj kwili jejij cera bōła zdrowo.




Ôstōńcie z Bogiym




Brak komentarzy:

Prześlij komentarz