Podug Łukasza:
Jezus pedzieli uczniom tako bojka:
"Może ślepy kludzić ślepego? Czy niy wlecōm ôba do jakijś dziury?"
Uczyń niy ścignie rechtora. Dopiyrŏ, jak wszyjsko fest wysztudyruje, bydzie jak jego rechtōr.
Czamu widzisz drzizga we ślypiu swojigo brata, a niy poradzisz znojś sztōmpla we swojim ôku? Jak możesz gŏdać swojimu bratowi: "Dej wyciōngna ci drzizga ze twojigo ślypia", jak sōm mŏsz sztōmpel we swojim ôku? Ôszkliwcze, wyciep nojprzōd sztōmpel ze swojigo ôka, cobyś dobrze widzioł, jak bydziesz wyciōngoł drzizga z ôka swojigo brata.
Niy ma dobrego drzewa, kere by dŏwało złe ôwoce, ani tyż złego drzewa, kere by miało dobry ôwoc. Dyć bez swoje ôwoce idzie poznać kożde drzewo; niy zrywŏ sie figōw ze sztichlow, ani ze krzŏka ôstrynżyc winogradōw.
Dobry człek z zonadrzo swojigo herca wyciōngŏ dobro, a zły człek ze swojigo zonadrzo, wyciōngŏ zło. Dyć to, co je we hercu, wyłazi przi gŏdce".
Dobry człek z zonadrzo swojigo herca wyciōngŏ dobro, a zły człek ze swojigo zonadrzo, wyciōngŏ zło. Dyć to, co je we hercu, wyłazi przi gŏdce".
Ôstōńcie z Bogiym
Brak komentarzy:
Prześlij komentarz