Podug Marka:
Japostoł Jon padoł do Jezusa: "Nauczycielu, widzieli my jednego, co niy łazi s nami, a we Twoje miano wyciepowoł złe duchy, i kŏzali my mu sztopnōńć, bo niy łazi s nami".
Toż Jezus mu padoł: "Przestōńcie mu zakozywać, bo żŏdyn, kery zrobi cud we moje miano, niy bydzie mōg zaro ô Mie źle gŏdać. Dyć fto niy robi nom naskwol, tyn je s nami.
Fto wōm do gorczek wody do piciŏ, skuli tego że przinalyżecie do Krystusa, na zicher wōm godom, niy straci swojigo geltaku.
A fto by sie stoł powodym do grzychu dlŏ jednego s tych bajtli, kere wierzōm, to lepij, coby istnymu uwionzać kamiyń młyński na kark i wciepać go do morza.
Toż, jak twoja rynka ciśnie cie do grzychu, pajtnij ja. Dyć lepij je dlŏ cia bez rynki wlyź do życiŏ wiecznego, niż z ôbōma rynkami trefić do piekła w pierońsko fojera. I jak twoja noga ciōngnie cie do grzychu, pajtnij ja. Dyć lepij je dlŏ cia bez nogi wlyź do życiŏ wiecznego, niż z ôbōma nogami być wciepanym do piekła. Jak twoje ôko świdruje do grzychu, wyłup je. Dyć lepij je dlŏ cia z jednym ślypiym wlyź do krōlestwa Bożego, niż z ôbōma ślypiami być wciepanym do piekła, kaj robol niy ginie i fojera niy gaśnie.
Brak komentarzy:
Prześlij komentarz