Ślonsko wieża Eiffla

Już żech kiejś ło tym pisoł, ale co tam, je łokazyjo, coby do tego wrocic curik.

Fto wiy, że momy sam u nos we Glyjwicach Wieża Eiffla?

Gryfno, pra?

Naszo ślonsko wieża mo 111 m (ta w Paryżu kole trzi razy tyla). Ja, ale niy ma sztuka postawić coś takiego ze żylostwa jak we Francyji. U nos cołko wyłonaczyli drzewniano. To je misiezdo nojwiynkszo konstrukcjo drzewniano na cołkim Bożym świecie! I porzond stoi - łod przedwojny.

A widać jom z daleka. Tukej cum bajszpil ze Szybu Maciej we Zobrzu:

Radiostacja Gliwicka - widok z Szybu Maciej w Zabrzu

Po co ło tym tera spominom?

Bo trza sie poasić, że prawie dzisiej Prezydynt wpisoł to cudo do Pomnikow Historyje. No toż dobrze!

Łostońcie z Bogiym