Halembskie konie

Pamiętom, że za bajtla, to doś czynsto na nasze łosiedle przijyżdżol formon z koniym i wrzeszczoł:

- kartoooofle, kartofleeeeee!

Do dziś mom w gowie tyn specyficzny zaśpiyw.

Tera to już konia ciynżko spotkać i łod jakegoś czasu nawet na niego poluja (z aparatym), ale sie łokazuje, że gorzij go trefić jak lajona we Afryce. 

I weźcie sie forsztelujcie, że prawie dzisioj cylnoły mi sie aże dwa. 

Piyrszy, jak my ze synym jechali na Wygoda. Prawie mrugoł prawym ślypiym, bo wyjyżdżol z łosiedla.

Na krzyżowce Solidarnosci i 1 Maja

Drugi - i tu sie ździwicie - ... u mie na łogrodku. Sie zoboczcie:

Koń u mie w łogrodzie

Tyż piykny, pra?

Łostońcie z Bogiym