Podug Mateusza
Jezus pedzieli do arcykapłanōw i ołberōw ludu:
Co sie myślicie? Jedyn chōp mioł dwōch synōw. No i pado do piyrszego: „Synek, weź się do roboty i idź do winnicy”. Tyn mu ôdpedziōł: „Ja, już ida!”, ale niy poszōł. Pedziōł tyż drugymu to samo. Tyn na to: „Niy, niy kce mi się.” Jednak za kwila się spamiyntōł i poszōł porobić we winnicy. Kery s nich tak richtich posuchōł ôjca? Ôdpedzieli Mu: „Tyn drugi”.
Toż Jezus im pedzioł: „Na zicher wōm godōm: celniki i ladacznice wlazujōm przed wami do krōlestwa niybieskego. Prziszōł do wōs Jōn po sprowiedliwości, toście mu niy uwierzyli. Uwierzyli mu zaś celniki i ladacznice. Wyście na to się gapiyli, ale nawet potym żeście się niy ôpamiyntali, coby mu uwierzyć.
Ôstońcie s Bogiym
Brak komentarzy:
Prześlij komentarz