Podug Łukasza:
Jezus wziōn ze sobōm Pyjtra, Jona i Jakuba i wyszoł na gōra, coby porzykać.
 |
| Gōra Przemiyniyniŏ - fest przaja tymu miejscu |
Jak rzykoł, Jego gymba sie ôdmiynioła, a Jego ôdziynie zrobiyło sie tak biołe, że aż sie miechtało. A dyć dwōch chopōw z Nim ôsprawiało. Byli to Mojżysz i Elijosz. Pokŏzali sie ôni we kwale i gŏdali ô Jego ôdyjściu, kere sie miało wyłōnaczyć we Jeruzalym. Wtynczŏs Pyjter i kamraty byli zmorzyni snym. Jak doszli ku sia, ôbŏczyli Jego kwała i ôbu chopōw, co s Nim stoli.
Jak sie już s Nim żegnali, Pyjter padoł do Jezusa: "Miszczu, jak to dobrze, że my sam som. Postawiymy trzi namioty: jedyn dlŏ Cia, jedyn dlŏ Mojżysza i j jedyn dlŏ Elijosza". Dyć niy wiedzioł, co gŏdŏ. Jak jeszcze to gŏdoł, zjawiyła sie chmura i ich przikryła. Toż sie zlynkli.
A ze chmury ôdezwoł sie głos: "To je mōj Syn, Wybrany, Jego suchejcie". I ôrŏz ôkŏzało sie, że Jezus je sōm.
A ôni trzimali gymby i wtynczŏs żŏdnymu nic niy pedzieli ô tym, co ôbŏczyli.
Ôstōńcie z Bogiym
Brak komentarzy:
Prześlij komentarz