Podug Łukasza:
Rodziciele Jezusa łaziyli co roku do Jerusalem na Świynto Paschy. Jak mioł dwanŏście lot, udali sie tam, jak mieli w zwyczaju. Kiej ruszyli curik po skończonym świyntowaniu, mody Jezus ôstoł w Jerusalem, a niy dali na to pozōr Jego Rodziciele. Przipuszczali, że je s innymi pōntnikami, uszli dziyń drogi i szukali Go pōmiyndzy krewnymi i znajomymi. Jak Go niy znŏdli, wrŏciyli sie do Jerusalem i tam Go szukali.
Dopiyrŏ po czech dniach znŏdli Go we świontyni, jak siedzioł miyndzy nauczycielami, przisuchiwoł im sie i zadŏwoł pytania. Wszysjcy zaś, kerzy Go suchali, dziwowali się bystrościom Jego umysłu i ôdpowiedziami.
Na tyn widok zadziywili sie niymożebnie, a Jego Matka padała do Niego: "Synek, czymuś nom to wyłōnaczoł? Dyć Twōj Ôjciec i jŏ z hercklekotami my Cie szukali?" A dyć Ôn im ôdpedzioł: "Czymuście Mie szukali? Czyście niy wiedzieli, że powiniyn żech być w tym, co przinŏleży do Mojigo Ôjca?" Ôni jednakowoż niy spokopili tego, co im pedzioł.
Potym poszoł s nimi nazot do Nazaretu i boł im poddany. A Matka Jego chowała wiernie wszyjske te rzeczy we swojim hercu. Jezus zaś czynioł postympy we mōndrości, w latach i we łasce u Boga i u ludzi.
 |
| Płaskorzeźba z Nazaretu |
Ôstōńcie z Bogiym
Brak komentarzy:
Prześlij komentarz