Podug Łukasza
Jezus pedzieli do swojich uczniōw:
"Bydōm znaki na słōńcu, miesiōnczku i gwiŏzdach, a na ziymi trwoga nacyjōw, kere nic niy poradzōm na gruch morza i jego festelności. Ludzie bydōm bezprzitōmne skuli strachu, jak bydōm czekać na to, co mŏ sie wyłōnaczyć ze ziymiōm. A dyć moce niybios ôstanōm poszelōntane. Wtynczŏs zoboczōm Syna Człowieczego, jak prziłazi we ôbłoku s mocōm i wielgōm kwałōm. A jak sie to zacznie dziŏć, nabiercie ducha i dźwignijcie gowy, dyć idzie ku wōm wasze ôdkupiynie.
 |
| Polichromie w kościele w Brzegu |
Dejcie na sia pozōr, coby wasze herca niy bŏły ôciynżałe skuli ôbżarstwa, chlonio i codziynnych stropiyń, coby tyn dziyń niy sleciōł na wos ôroz jak paści. A dyć przidzie ôn na wszyjskich, kerzy miyszkajōm na cołkij ziymi.
Toż czuwejcie i porzōnd rzykejcie, cobyście sie ôbstoli przi tym co sie mŏ wyłōnaczyć i mogli stanōńć przed Synym Człowieczym"
Ôstōńcie z Bogiym
Brak komentarzy:
Prześlij komentarz