Podug Marka:
Jezus nauczoł mocka ludziōw i gŏdoł:
"Dejcie pozōr na uczonych we Piśmie. Kwolom sie łazić we strojnych szatach, som rade, jak ich wszyjscy pozdrŏwiajōm na rynku, majom tyż rade piyrsze stołki we synagogach i nojlepsze place przi stołach ma byzuchu. Ôbjodajom chałpy gdowōw i aszōm sie tym, że ôdprŏwiajōm duge rzykania. Tym surowszy wyrok im wlepiom".
Potym zicnōł sie naprociw skarbony i filowoł, jak ludzie do nij wciepowali. Mocka bogoczy wciepowała wiynksze piniōndze. Prziszła tyż jedna biydno gdowa i wciepła dwa klepoki, to je jedyn ceski.
Wtynczŏs zawołoł swojich uczniōw i padoł do nich: " Na zicher wōm godom: Ta biydno gdowa wciepła nojwiyncyj ze wszyjskich, kerzy sam wciepowali. Toż wszyjscy wciepowali s tego, co im zbywało. Ôna zaś wciepła ze swojij biydy wszyjsko co miała na swōj kust".
Ôstōńcie z Bogiym
Brak komentarzy:
Prześlij komentarz