Wanielijo po ślōnsku #180

Podug Marka:

Kiejś prziszoł do Jezusa tryndowaty, pod na klynczki i prosiōł Go: "Jak kcesz, mogesz mie ôczyścić". A Jezusa wziyna litoś, wyciōng do niego rynka, tyknōł go i padoł do niego: "Kca, być ôczyszczony!" Zarŏz go trōnd ôpuściōł i zostoł ôczyszczony.

Jezus surowo mu kŏzoł, zarŏzki go ôdprawioł i pedzioł: "Dŏwej pozōr, cobyś żŏdnymu nic niy pedzioł. Ino idź pokŏż sie kapłanowi i słoż ôfiara za swe ôczyszczynie, jak przikŏzoł Mojżysz, na świŏdectwo dlŏ nich".

Dyć ôn zarŏz jak wylŏz zaczōn wszyndzie ôsprawiać i klachać ô tym, co mu sie trefiyło i skuli tego Jezus niy poradziōł już ofyn wlyź do miasta, ino ôstowoł na pustyni. A ludzie zewszond ciōngli do Niego.

 

Niy poradziōł już ofyn wlyź do miasta - Jerozolima dzisiej

Ôstōńcie z Bogiym