Wanielijo po ślōnsku #145

Podug Jōna

Jezus pedzieli:

"Na zicher wōm godom: Fto niy włazi do ôwczanie bez brama, ale wlazuje bez zopłocie, tyn je kradziok i zbōj. Fto włazi, jak trza bez brama, je pastyrzym ôwiec. Tymu ôtwiyro ficywert, a ôwce suchajōm jego gŏdki; wołŏ ôn na ôwce tak, jak sie mianujōm i wyłazi s nimi z zŏgrody. Jak już wszyjske wykludzi, stŏwŏ na przodzie, a ôwce wdycki za nim idom, bo znajōm jego gŏdka. Zaś za cudzym niy pudom ino bydōm citać ôd niego, bo niy znajōm gŏdki ôd cudzych."

Ta powiastka pedzioł im Jezus, ale ôni niy spokopiyli, ô co sie w tym rozłazi.

Ôwce

Toż im Jezus juzaś tuplikowoł: "Na zicher wōm godom: Jŏ je ta brama ôd ôwiec. Wszyjske, co prziszli przōdzi przedy Mnōm, sōm kradzioki i zbóje i bez toż ôwce ich niy posuchały. Jŏ je brama. Jak ftoś przełazi przezy Mie, bydzie zbawiony - wlezie i wylezie i znojdzie łōnka. Kradziok prziłazi ino skuli tego, coby cosik chabnōńć, zaciukać abo rymplować. Jŏ prziszoł skuli tego, coby ôwce mioły żywot i to żywot na fest." 

Alleluja!