Podug Jōna:
Piyrszego dnia po szabacie, wczas rano, jak jeszcze boło ćma, Maria Magdalyna poszła do grobu i ôbŏczyła berga ôd grobu ôdciepano.
 |
| Wczas rano, jak jeszcze boło ćma - Bazylika Grobu Pańskiego we Jerozolimie |
Poleciała drapko do Szymona Pyjtra i drugigo ucznia, kerymu Jezus fest pszoł, i padŏ: „Porwali Pōna ze grobu i niy wiymy, kaj Go ôstawiyli”.
No toż wylŏz Pyjter i tyn drugi i ruszyli do grobu. Lecieli nojprzōd ôba razym, ale tyn drugi boł gibszy i pryndzyj przilecioł do grobu. Wejrzoł tam ino, ôbŏczoł płōtna, ale niy wlŏz rajn.
Zarŏz za nim przilecioł tyż Szymon Pyjter. Wlŏz do pojśrodka, ôbŏczoł jak leżom płōtna i chusta, kero mioł na gowie, a kero niy leżała razym z płōtnami ino boła ôsobno zawiniono na jednym placu. Ôbŏczoł i uwierzōł. A przōdzi niy poradziyli spokopić Pisma, kaj stoji napisane, że Ôn mŏ powstać s martwych.
Alleluja!
Brak komentarzy:
Prześlij komentarz