Podug Łukasza:
Jak Jezus szli rŏz do Jeruzalym, przechodziōł bez pogranicze Samarji i Galileji.
 |
| Pogranicze Samarji i Galileji |
Jak właziōł do jednyj wsi, wylazło Mu naprociw dziesiyńciu tryndowatych. Zahaltowali sie kōnsek ôd Niego i zaczli wajać: "Jezusie, Majster ulituj sie nad nami!" Jak ich ôboczōł, padoł: "Idźcie, pokŏżcie sie kapłanom!"
A jak szli, ôstali ôczyszczyni. Wtynczŏs jedyn s nich, jak sie kapnoł, że je uzdrowiony, przilecioł curik, kwolōł festelnie Boga, pod na gymba u Jego nogōw i Mu dziynkowoł. A boł to Samarytanin. Jezus zaś padoł: "Czy niy dziesiyńciu ôstało ôczyszczonych? Kaj je dziewiyńciu? Czy niy znŏd sie żŏdyn, kery by sie wrōciōł i ôddoł kwała Bogu, ino tyn cudzoziymiec?"
Do niego zaś pedzioł: "Stōń, idź, twoja wiara cie uzdrowiōła".
Ôstōńcie z Bogiym
Brak komentarzy:
Prześlij komentarz