Czytanie z Ksiyngi Rodzaju
Bōg kŏzoł Abramowi wyjś ze namiotu i mu padŏ: "Kuknij sie na niebo i porachuj gwiŏzdy, jak poradzisz to zrobić" i jeszcze dodŏ: "Tak mnoge bydzie twoje potōmstwo". Abram uwierzōł i Pōn wziōn to za jego zasuga.
Potym padŏ do niego: "Jŏ je Pōn, kery cie wykludziōł z Ur chaldyjskigo, coby ci dać tyn sam kraj na włŏsnoś". Toż Abram padoł: "O Pōnie, mŏj Boże, jak moga być pewny, że go erbna na włŏsnoś?"
Wtynczŏs Pōn padŏ: "Wybier dlŏ Mie cziletnigo cieliczka, cziletnio ciga i cziletnigo barōna, a do tego cukrōwka i gołōmbka.
Jak Abram to znŏd, przerombōł zwiyrzŏki na pōł i poły ułożōł jedna na przeciw drugij; ptŏkōw niy przerombywōł. Jak do tego miynsa zaczły sie zlotywać dropieżne ptŏki, Abram je rozgōnioł. A jak klara zaczła zachodzić, Abrama zmōg ciynżki syn i taki go wziōn strach, choby go wciōng wielgi ćmok.
A jak klara blank zaszła i zrobiōł sie festelny ćmok, pokŏzoł sie swōnd choby ze pieca i ôgiyń choby jakoś gorejōnco fakla i sie przesunyły pōmiyndzy połowami zwiyrzŏkōw. Wtynczŏs Pōn zawar przimiyrze ze Abramym i pedzioł: "Twojim potomkom dŏwōm tyn kraj ôd Rzyki Egipskij, aże do wielgij rzyki, rzyki Eufrat".
 |
| Ziemia Ôbiecano |
Czytanie z Listu Świyntego Pawła Japostoła do Filipian
Braty:
Nasz hajmat je w niebie. Tamstōnd tyż, jako Zbawcy wyczekujymy Pōna Jezusa Krystusa, kery przełōnaczy nasze ciało sponiywiyrane w podane na swoje chwalebne ciało tom mocom, kerom moge Ôn wszyjsko, co je, wziōńć pod sia.
Toż moje roztōmiyłe braty, do kerych mi tesno - radości i kwało moja! - tak trwejcie festelnie w Pōnu, roztōmili!
Ôstōńcie z Bogiym
Brak komentarzy:
Prześlij komentarz