Czytanie z Ksiyngi Nehymiosza
Kapłon Ezdrasz prziniōs Prawo przed zgrōmadzynie, na kere prziszli chopy, ale tyż baby i inksze, co poradziyli spokopić. I czytoł ze tyj ksiyngi, ôbrōcōny do placu za kerym bōła Brama Wodno, ôd rana do połednia dlŏ chopōw, babōw i tych kerzy poradziyli spokopić. A uszy cołkigo ludu bōły naszpicowane ku ksiyndze Prawa.
Pisŏrz Ezdrasz stanōł na drzewnianym postumyncie, kere narychtowali ekstra skuli tego. Ezdrasz ôtwar ksiynga na ôczach cołkigo ludu - bo boł wyżyj niż inksi. A jak jōm ôtwar, cołki lud stanōł. I Ezdrasz błogosławiōł Pōna, Boga wielkigo, a cołki lud dźwignōł rynce i ôdpedzioł: "Amyn! Amyn!" Potym ôddali pokłon i padli przed Pōnym na klynczki, gymbami do ziymi.
Toż czytali ze tyj ksiyngi, ksiyngi Prawa Bożego, jak trza, ze dodaniym ôbjaśniyń tak, że cołki lud poradziōł spokopić. Wtynczŏs Nehymiosz, to je namiestnik i kapłon-pisŏrz Ezdrasz, jak i lewity, kerzy tuplikowali ludziom, pedzieli do cołkigo ludu: "Tyn dziyń je poświyncōny Pōnu, Bogu waszymu. Niy bydźcie smutne i niy ślimtejcie!" Bo cołki lud ślimtoł, jak usłyszoł słowa Prawa. I padōł im Nehymiosz: "Idźcie, jydzcie świonteczny kołocz i pijcie słodke picie, poślijcie tyż kōnsek tymu, kery niy mŏ nic narychtowanego: dyć dziyń tyn je poświyncōny Bogu naszymu. A niy bydźcie markotne, toż radoś w Pōnu, je wszom siłom".
Czytanie z Piyrszego Listu Świyntego Pawła Japostoła do Koryntian
Braty:
Tak samo, jak jedno je ciało, choć skłŏdŏ sie z wielu członkōw, a wszyjske członki ciała, choć sōm liczne, tworzōm jedno ciało, tak tyż je i ze Krystusym. Dyć wszyjske my ôstali ôchrzczyni w jednym Duchu, coby cuzamyn tworzyć jedno Ciało: czy to Żydy, czy Greki, czy to niywolniki, czy wolne. Wszyjscy tyż dostali pić z jednego Ducha. Dyć ciało to niy ma jedyn członek, a mocka członkōw.
Toż wyście sōm Ciałym Krystusa i Jego roztōmajtymi członkami.
 |
| Ciało - Dawid dłuta Michała Anioła we Florencji |
Ôstōńcie z Bogiym
Brak komentarzy:
Prześlij komentarz