Czytanie z Piyrszyj Ksiyngi Krōlewskij
Elijosz poszoł na pustynio na jedyn dziyń drogi. Prziszoł, siŏd sie pod jednym z janowcow, kaj kcioł umrzić i padoł: "To już je ôstatni driker, ô Ponie! Zabier moje życie, bo jŏ niy ma lepszy niźli moje ôjce i starziki." Po tym sie legnōł pod jednym z janowcow i usnōł.
A dyć janioł go żduchnoł i padoł do niego: "Stŏwej i jydz!"
Elijosz spojrzoł i ôbŏczōł, że przi jego gowie leży sznita i dzbonek z wodom. Toż zjŏd, wypiōł i zaś sie legnōł.
 |
| Grota Elijosza na Karmelu w Hajfie |
Juzaś janioł Pański wrōciōł curik i zaś go żduchnoł i pedzioł: "Stŏwej, jydz, bo mŏsz dugo droga do iścio". Toż wstoł, zjŏd i wypiōł. Bez to jodło szoł sztyrdziści dni i sztyrdziści nocy aże do Bożyj gōry Horeb.
Czytanie z Listu Świyntego Pawła Japostoła do Efezjan
Bracia:
Niy frasujcie Bożego Ducha Świyntego, kerym ôstaliście ôsztymplowani na dziyń ôdkupiynio. Niych straci sie ôd wos wszelko gorycz, uniesiynie, gniyw, wrzaskliwoś, pieroniynie - cuzamyn ze wszelkom złościom. Bydźcie dlo sia dobrzy i miłosierni. Przebŏczejcie sie, tak jak i Bŏg wōm przebŏczoł w Krystusie.
Toż bydźcie naśladowcami Boga, jako dziecka roztōmiyłe i podōnżejcie drogom pszonio, bo i Krystus wōm pszaje i somego siebie wydoł za wos w ôfierze i gyszynku na woń miło Bogu.
Ôstōńcie z Bogiym
Brak komentarzy:
Prześlij komentarz