Podug Mateusza:
Jezus ôpedzieli swojim uczniom tako bojka:
Krōlestwo niybieske bydzie podane na dziesiyńć pannow, kere wziyny swoje lampy i wyjszły na przeciw modymu pōnu. Piyńć s nich boło gupie, a piyńć mōndre. Gupie wziyny lampy, ale niy wziyny ze sobōm ôliwy. Mōndre zaś cuzamyn z lampami wziyny sie tyż ôliwy we gorczku.
Jak mody pōn sie spóźnioł, wziyno je wszyjske na spanie.
Kole pōłnocy zrobiyło sie larmo: Dejcie pozōr bo mody pōn idzie, wyjdźcie mu na przeciw. Toż gipko wstały wszyjske panny i hajcły swoje lampy. A gupie pedziały do mōndrych: Pożycejcie nom ôliwy, bo nasze lampy gasnom. Mōndre im ôdpedziały: Mogłoby i nōm i wōm niy styknōńć. Idźcie lepij do miasta i sie kupcie u handlyrzy.
Jak ône poszły kupować, prawie prziszoł mody pōn. Te, kere bōły fertich, wlazły na wesele i drzwi zawarli. Na koniec znŏdły sie i te druge panny i wołały: Pōnie, pōnie, a dyć ôtworzcie dźwiyrza! Ale łon im ôdpedzioł: Na zicher wōm godom, jŏ wos niy znōm.
Dejcie pozor, bo niy znocie dnia ani godziny.
S PōnBóczkiym
Brak komentarzy:
Prześlij komentarz