Podle Mateusza:
Jezus, jak łoboczoł ciźba, jako sie zrobioła, wyloz konsek wyżyj. A jak sie siod, zuzamyn ku Niymu prziszli Jego ucznie. Zaczon wtedy tako godka:
Błogosławione uboge we swojich duszyczkach, dyć łod nich je krolestwo niybieske.
Błogosławione ciche, dyć łoni erbnom ziymia.
Błogosławione, kerzy ślimtajom, dyć bydom sie radować.
Błogosławione, kerzy majom w zocy sprawiedliwość, dyć bydom fertiś.
Błogosławione miłosierne, dyć dlo nich tyż miłosierdzie sie znojdzie.
Błogosławione ze czystym hercym, dyć bydom na Pon Bóczka sie dziwować.
Błogosławione co dowajom pokoj, dyć bydom ich mianować dzieckami łod Pon Bóczka.
Błogosławione, kerych poniywiyrajom skuli ich prawości, dyć łod nich je krolestwo niybieke.
Błogosławioneście som, jak skuli Mie wom ludziska naskwol robiom i szpetnie ło wos klachajom. Bydźcie rade, bo łogromniasty je wasz geltag we niebie.
Łostońcie z Bogiym
Brak komentarzy:
Prześlij komentarz