Podle Łukasza:
Jak nikerzy godali ło świotyni, że je gryfnie prziłozdobiono klyjnotami i gyszynkami, Jezus pedzieli: "Przidzie czas, kiej s tego na co sie dziwocie, niy łostanie kamiyń na kamiyniu, kery by niy boł zwalony."
Spytali Go: "Rechtorze, kiej to bydzie? I jak sie kapnonć, że sie zaczło?"
Jezus łodpedzieli: "Dejcie pozor, żeby wos niy łofulali. Bele fto bydzie mie udować i bydom godać: "To je jo" i "Już sie zaczło". Niy idzicie za nimi! I niy starejcie sie, jak bydom godać ło wojnach i zamachach. To nojprzod "musi sie stać", ale niy zaroz bydzie koniec".
I godoł do nich: "Powstanie nacyjo przeciw nacyji i państwo przeciw państwu. Bydom festelne czynsiynia ziymi i kajsik głod i zaraza; bydom łokropne dziwa i wielgie cuda na niebie. Ale jeszcze pryndzyj podniesom na wos rynce i bydom wos mynczyć. Wydadzom wos do urzyndow i do haresztow i skuli mie wlyc wos bydom przed prokuratorow i syndziow. Bydzie to dlo wos możność dlo dowanio świadectwa. Ino sie uradźcie w hercu coby niy rychtować przodzi swoij łobrony. Dyć jo wom dom tako godka i mondrość, keryj niy bydzie mog przeciś żodyn z tych chachorow. A wyzdradzać wos bydom nawet rodziciele i braty, krewne i przociele i nikerych z wos doprowadzom do zabicio. I skuli mie bydom wos wszystke niynawidzieć. Ale wos z gowy wom niy sleci. Jak łobstoicie, uchowocie wosz żywot".
Łostońcie z Bogiym
Brak komentarzy:
Prześlij komentarz