Podle Łukasza:
Jezus opedzioł nikerym, co sie myśleli, a inakszych niy uwożali, taki bajszpil:
Dwóch chopow przijszło do kościoła coby porzykać, jedyn pobożny, a drugi chachor. Pobożny siod w piyrszyj ławce i tak rzykoł: "Pon Bóczku dziynkuja Ci, że jo niy ma jak inne: machlyrze, cygony, ladacznice, abo choby tyn chachor. We piontki niy jym wosztu, a i do koszyka farorzowi co niydziela dycha wciepna".
A chachor stoł ze zadku kole filorka, gaftoł w zol, czaskoł sie w klota i mamrotoł: "Pon Bóczku zlituj sie nady mnom, boch sakramyncki grzysznik!"
Godom wom: Tyn chachor poszoł do dom z Bogiym, niy tamtyn pobożny. Kożdy, kery sie mo za dumnego, zrobiom mu gańba, a fto mo pokora, tyn bydzie w zocy.
Łostońcie z Bogiym
Brak komentarzy:
Prześlij komentarz