Klasztor, w kterym miyszkomy, niy je specjalnie ciekawy.
Kościoł przyklasztorny niy ma zabytkowy, a raczyj doś nowy. Budynki kaj śpiymy tyż niy wyglondajom na wiekowe, a meble to sam momy - taki późny Gerek.
Za to co je ciekawe - wszyjske zakonery som Ślonzoki z Panewnik. Łokazuje sie, że nasze Braciszki erbły klosztor w Viareggio dopiyro w 2007 roku. I wtedy Łojciec Prowincjoł mieli pedzieć:
Dzięki klasztorowi w Viareggio nasza Prowincja uzyskała ponownie dostęp do morza.
Toż ci fajny karlus.
Jaki by klosztor, kościoł czy kapliczka w cołkij Italyje niy boła, musi w nij być Santa Madonna. W naszym klosztorze stoji tako wielgo figura, jak sie wyłazi ze zokrystyje:
Wiycie, tak żech sie tyj Maryjce trocha przyjrzoł.
Piykno. Tako pobożno. Łoczka do nieba. Rynce złożone.
Ale mo na twarzy taki jakiś miglancki uśmiych. Tak jokby coś prawie zgłobioła abo przyszoł Jij do gowy jakiś przepastny pomys. Powiydzcie sami.
Nazwoł żech Jom: Matka Bosko Łobozersko - rzykej za nami.
Łostońcie z Bogiem
Brak komentarzy:
Prześlij komentarz